النهاردة ربنا حب يبعتلي شوية ونس، خلاني انزل ادب مشوار عشان بس اكل ساندويتش بحبه، وانا مش متكدرة و خلَّى الشمس كويسة.. خلصت اكل و ماكنتش عارفة اعمل ايه، اروَّح ولا اعمل ايه! ” روحي السلسلة يا بسنت اقري، و كمان لسه ناقص ساعة ع الغروب، شوفي الغروب هناك مع البحر و كده ” بلال عايزني مبسوطة دايما و بيزقني ع الحاجات اللي بتبسطني حتى لو هو مش موجود او مش هيعرف ييجي وانا هعملها لوحدي، مش هيبقه مبسوط بإنه مش موجود بس هيتبسط اني مبسوطة، انا بحاول اعمل كده انا كمان بس ف الحقيقة انا عيلة صغيرة رخمة بس مش بتحب الواد اللي قاعد جمبها ف الحضانة يضحك غير منها و معاها هي بس..
بنت جت قعدت جمبي طلعت الهاند فري من شنطتها وقعدت تاكل آيس كريم و تتفرج ع البحر، كنت مبسوطة اوي ان في واحدة نازلة لوحدها تتبسط وبتسمع مزيكا او قرآن او اي شيء! البحر كل حبّة كان يعلى ف يرش علينا شوية ماية ف نضحك لحد ما بدأت الماية تكتر و هدومنا اتغرقت حرفيا، ” انت مستنية حد؟ لأ. طب ممكن آجي اقعد معاكي؟ أه اكيد. اصلي اتغرقت، اه وانا كمان - ضحك بنتين اول مرة يشوفوا بعض البحر قاعد يلعب معاهم و كل واحدة فيهم كانت قاعدة لوحدها بتعمل حاجة تبسطها- عطلتك عن القراية معلش، لأ خالص ولا يهمك، انت ف ايه؟ فنون جميلة.. عارفة؟ انا لسه مخلَّصة تجارة وباخذ كورس icdl بس بحب الرسم ونفسي اخذ كورس رسم و انجليش كمان، وعايزة اعمل دبلومة، عايزة اعمل كل حاجة! بصي خدي رقمي ولو لقيتي حاجة للرسم كويسة كلميني و نروح سوا ماشي؟
ﻓﻴﻦ ﺩﻣﻮﻉ ﻋﻴﻨﻲ ﺍﻟﻠﻲ ﻣﺎ ﻧﺎﻣﺖ ﻟﻴﺎﻟﻲ
ﺑﺎﺑﺘﺴﺎﻣﻪ ﻣﻦ ﻋﻴﻮﻧﻮﺍ ﻧﺴﻬﺎﻟﻲ.