على باب لجنة إمتحان
تُقف لوحدك
كل أُم بتراجع لإبنها
بتطَمِنهُ
بتقوله يعمل إيه
و إنت برضه لوحدك
ف المقلمة
قلم رصاص
براية
أستيكه
تدخل اللجنة
تحل كل الأسئلة
تروح البيت و عنيك مليانة دموع
بس فرحان إنك هتشوف مامتك
تجري و تبص على صورة ف برواز
" أنا حليت كويس يا ماما "
~~~~~~~~~~~~
أقف قدام المراية
أشوف وشي
بحاول أفتكره
شكله مش غريب عليا
آه إفتكرته
متغيرش هو هو
ناقصه القطتين و الضحكة اللي ماكنتش بتفارقه
يمكن يرجع زي الأول !
~~~~~~~~~~~
اللي عايزهُ قوله من غير تفكير
بس ميخلاش من التقدير
إضحك براحتك
إمشي .. إجري .. نُط .. أُقع
حاول ترسم و إنت عمرك ما مسكت فرشة
جرب تعزف لبيتهوفن و إنت أصلا مبتعرفش تفرق بين
الجيتار و الكمنجة
ممكن كمان تشتري كتاب و إنت مبتعرفش تقرا
كل الحكاية إنك ليك و عشان كده محدش يقدر يمشي كلامه
عليك ف قوم إلحق كل ثانية بتعدي من عُمرَك
قبل ما متعرفش تمشي على رجليك
~~~~~~~~~~~~~~~~
ذاكِر
إنجح
إفشل
و إنجح تاني
و إنجح أكتر
و أكتر
بس المهم إنك متخافش من الفشل
أحسن مامتنجحش خالص
~~~~~~~~~~~~~~~
حِب بس ما تجرحش
و يوم ما تحس إنك هتجرح ماتحبش
شيل حبيبك ف عنيك
بس يوم ما يتقل عليك
فهِمه إنك مش قادر تبقى غير ليك
إتخانق كل ساعة
و صالِح كل يوم
بس إوعى تلاقي نفسك
بتتخانق بس
بسنت
جميلة جداً وحطت إبتسامة على وشي :)
ردحذفميرسي يا قمراية و كومنت حط نفس الإبتسامة على وشي أنا :)
ردحذفكويسه جداا في التدوين وبسيطه وتلقائية وده من اسباب جمالها
ردحذفالتنسيق في الكتابه محتاج شغل منك
لكن شكل المدونه جميل
بالتوفيق ،،،،،
شوفي هي وجهة نظر متفق معها في أغلبها بس ياريت كان ينفع لأن في قيود كتيرة لازم نراعيها في كل تصرفاتنا منها الاجتماعي والأخلاقي وده كلنا موافقين طبعاً عليه ومنها الخوف من حاجات تانية ذي مثلاً النظام والتقاليد وطبعاً الحكومة :)
ردحذف